Crime: कर्ज वसुली एजंटवर लैंगिक छळाचा गुन्हा दाखल, कर्जाची परतफेड न केल्याने महिलेचा अश्लील फोटो केला तयार

मुंबईतील एका 48 वर्षीय भाजप नेत्याचा लैंगिक छळ (Sexual Harrasment) केल्याप्रकरणी मंगळवारी कर्ज वसुली एजंटवर (Loan Recovery Agent) गुन्हा दाखल करण्यात आला.पोलिसांनी सांगितले की, आरोपीने महिलेला तिच्या ओळखीच्या व्यक्तीने घेतलेले 5,600 रुपयांचे कर्ज (Loan) फेडण्यास सांगितले. महिलेने असा दावा केला आहे की, ज्या व्यक्तीने कर्ज घेतले असावे किंवा ते परत करण्यासाठी तिला त्रास देणाऱ्या व्यक्तीलाही ती ओळखत नाही. महिलेच्या म्हणण्यानुसार, मंगळवारी तिला व्हॉट्सअॅपवर तिच्या चेहऱ्यासह मॉर्फ केलेला एक अश्लील फोटो मिळाला होता. मनोज परब नावाच्या व्यक्तीने 5,600 रुपयांचे कर्ज घेतले आहे आणि ती जामीनदार असल्याचे सांगून तिचा मोबाईल नंबर दिला असल्याचे संदेशात म्हटले आहे.

जर त्याने कर्जाची परतफेड केली नाही तर तिचा मॉर्फ केलेला फोटो सोशल मीडियावर अपलोड केला जाईल, असे एका अधिकाऱ्याने सांगितले.महिलेने तिच्या तक्रारीत म्हटले आहे की ती भाजपची नेता आहे. हेही वाचा Murder: आर्थिक त्रासाला कंटाळून सात वर्षीय पोटच्या मुलीला पाजले विष, चिमुकलीचा मृत्यू

फेसबुकवर पंतप्रधान नरेंद्र मोदींविरोधात आक्षेपार्ह टिप्पणी केल्याबद्दल तिने 28 मे रोजी एका अभिनेत्याविरुद्ध पोलिसात तक्रार दाखल केली होती. पोलिसांनी अज्ञात व्यक्तीविरुद्ध आयपीसी आणि आयटी कायद्यांतर्गत लैंगिक छळाच्या आरोपाखाली एफआयआर नोंदवला आहे, तर महिलेने असा दावा केला आहे की या गुन्ह्यामागे अभिनेता असल्याचा तिला संशय आहे.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)