Coronavirus in New Zealand: संपूर्ण देश कोरोना व्हायरस मुक्त झाल्याची घोषणा केल्यानंतर, 24 दिवसांनी न्युझीलँडमध्ये आढळले दोन कोरोना संक्रमित रुग्ण

जगात कोरोना व्हायरस (Coronavirus) संक्रमणाने धुमाकूळ घातला असताना, न्युझीलँड (New Zealand) असा कदाचित एकमेव देश असेल ज्याने कोरोना मुक्त झाल्याची घोषणा केली होती. तब्बल 22 पेक्षा जास्त दिवस उलटून गेले होते व न्युझीलँडमध्ये एकही कोरोनाचा रुग्ण आढळला नव्हता. मात्र आता न्यूझीलंडने मंगळवारी सांगितले की, देशात कोरोना विषाणूची 2 नवीन प्रकरणे नोंदविली गेली आहेत. ही दोन्ही प्रकरणे नुकतीच ब्रिटनमधून आलेल्या प्रवाश्यांशी संबंधित आहेत. दोन नवीन प्रकरणांमुळे, न्युझीलँडमधील कोरोना प्रकरणात न उद्भवण्याची 24 दिवसांची स्थिती संपुष्टात आली आहे.

देशात कोरोना विषाणूचे कोणतेही नवीन किंवा सक्रिय प्रकरण नाही, असे जाहीर केल्यानंतर न्यूझीलंडने गेल्या आठवड्यात सीमा वगळता सर्व सामाजिक आणि आर्थिक प्रतिबंध हटवले होते. न्यूझीलंड हा जगातील पहिला देश होता, ज्याने कोरोना विषाणू या साथीच्या रोगावर मात करून आपला देश कोरोना मुक्त केला होता. मात्र आता, इतर देशांमध्ये राहणारे न्यूझीलंडमधील लोक मायदेशी परत येण्यासाठी, काहींना विशेष परिस्थितीत परवानगी दिली गेली तर, भविष्यात नवीन कोरोना प्रकरणे उद्भवू शकतात, असा इशारा पंतप्रधान जेसिंडा आर्र्डन यांनी दिला आहे. (हेही वाचा: पाकिस्तान मध्ये जुलै महिन्यापर्यंत COVID19 चा आकडा 12 लाखांवर जाण्याची शक्यता, संक्रमणामुळे 2632 जणांचा बळी)

आरोग्य मंत्रालयाने सांगितले की, ही दोन्ही नवीन प्रकरणे नुकतीच ब्रिटनमधून आलेल्या प्रवासाशी संबंधित आहेत. दोन्ही प्रकरणे एकमेकांशी संबंधित आहेत. आज या संदर्भात सविस्तर माहिती मिळणे अपेक्षित आहे. न्यूझीलंड हा जगातील अशा काही देशांपैकी एक आहे जिथे कोरोना विषाणूमुळे जास्त नुकसान झाले. देशात कोरोना विषाणू साथीच्या आजारामुळे जवळजवळ 1500 लोक संक्रमित होते आणि 22 लोकांचा मृत्यू झाला आहे. न्यूझीलंडने यापूर्वी कठोर पावले उचलून कोरोनाला पूर्णपणे पराभूत केले होते आणि देशात 24 दिवसांत कोरोनाचे एकही सक्रिय प्रकरण आढळले नव्हते. आता देशाने पुन्हा काही पावले उचलून देशाच्या सीमा बंद केल्या आहेत.