QuickLY
Socially
भारतीय संघातील (Indian Team) सध्याच्या सर्वोत्तम फलंदाजांपैकी एक आणि भविष्यासाठी एक नेता, श्रेयस अय्यरने (Shreyas Iyer) गेल्या 2-3 वर्षांत त्याच्या खेळात नाटकीय वाढ झालेली आहे. दिल्ली कॅपिटल्सचे (Delhi Capitals) नेतृत्व करण्यापासून ते आयपीएल (IPL) 2020 च्या फायनल खेळण्यापर्यंत भविष्यात भारताचे नेतृत्व करू शकणारा खेळाडू म्हणून अय्यर वेगाने यशाची शिडी चढत आहे. तथापि, 2021 मध्ये त्याच्या क्रिकेट कारकिर्दीला दोन मोठे धक्के बसले. आयपीएल सीझन 14 पूर्वी खांद्याच्या दुखापतीने तो त्रस्त होत. या निर्णयामुळे त्याच्या फ्रँचायझी, दिल्ली कॅपिटल्सने ऋषभ पंतला (Rishabh Pant) कर्णधार म्हणून नियुक्त करण्यास भाग पाडले. पण अय्यर परतल्यावर देखील फ्रँचायझीने पंतकडे नेतृत्वाची जबाबदारी कायम ठेवली. तथापि अय्यरने कोणत्या कारणास्तव आपल्या नेतृत्वाची जबाबदारी गमावली याबाबत अद्याप कोणीही स्पष्टीकरण दिलेले नाही. अय्यरसाठी मात्र डीसी कर्णधारपद गमावण्यामध्ये दुखापतीने मोठा वाटा उचलला. (KKR New Captain for IPL 2022: श्रेयस अय्यरच्या हाती कोलकाता नाईट रायडर्स संघाची कमान, लिलावात 12.25 कोटींचा मिळाला भाव)
टाईम्स ऑफ इंडियाशी बोलताना, भारताच्या मधल्या फळीतील स्टार फलंदाजाने सांगितले की, जर त्याला दुखापत झाली नसती तर दिल्लीने त्याला कर्णधार म्हणून कायम ठेवले असते.“दुखापत,” दुखापत आणि कर्णधारपद गमावणे यातील मोठा धक्का कोणता असे विचारले असता अय्यर म्हणाला. “ते एक मोठे होते. तसे झाले नसते तर त्यांनी मला कर्णधारपदावरून काढले नसते. दिल्ली कॅपिटल्समध्ये, 2021 च्या सुरुवातीला तुम्ही पर्यावरणाचे प्रतिबिंब पाहिले, जे आम्ही 2019 आणि 20 मध्ये तयार केले. वातावरण अप्रतिम होतं. खेळाडू एकमेकांना ओळखत होते, त्यांची ताकद आणि कमकुवतता. मला त्यात खोलवर जायचे नाही.”
दरम्यान, गेल्या वर्षी कर्णधार म्हणून ऋषभ पंतच्या नेतृत्वात दिल्ली आयपीएल 2021 च्या प्लेऑफ फेरीत गारद झाले. त्यानंतर आयपीएल 2022 लिलावापूर्वी फ्रँचायझीने अय्यरला सोडून पंतला कर्णधार म्हणून कायम ठेवण्याचा निर्णय घेतला. आणि लिलावात अय्यरला कोलकाता नाईट रायडर्स (KKR) संघाने मोठी किंमत मोजून विकत घेतले आणि त्याला फ्रेंचायझीचा कर्णधार म्हणून घोषित केले. अशा परिस्थितीत केकेआरने 12.25 कोटींच्या रकमेत खरेदी केलेला अय्यर त्याच्या आयपीएल कारकिर्दीची नवीन सुरुवात करण्यासाठी सज्ज आहे, ज्यामुळे भारतीय क्रिकेट संघात देखील त्याचा दर्जा वाढेल अशी अपेक्षा आहे.
