On This Day In 2011! युवराज सिंह ने ऑस्ट्रेलियाविरुद्ध वर्ल्ड कपमध्ये भारतासाठी मिळवला होता थरारक विजय, सचिन तेंडुलकर ने गाठला होता 18 हजार धावांचा टप्पा
सचिन तेंडुलकर आणि युवराज सिंह (Photo Credit: Getty)

24 मार्च. 2011 मध्ये वर्ल्ड कप क्वार्टर फायनल (World Cup Quarterfinal) सामन्यात भारताने प्रवेश केल्याची ही तारीख आहे. भारताने (India) उपांत्यपूर्व फेरीत गतविजेत्या ऑस्ट्रेलियाला (Australia) पराभूत केले. 1999 विश्वचषकपासून ऑस्ट्रेलियन संघाच्या विजयाची सुरूवात झाली. 1999 विश्वचषक शेवटची वेळ जेव्हा 23 मे रोजी पाकिस्तानने ऑस्ट्रेलियाच्या संघाला साखळी सामन्यात पराभूत केले होते, परंतु त्यानंतर ऑस्ट्रेलियाने 23 मार्च 2011 पर्यंत एकाही विश्वचषक सामना गमावला नव्हता. या काळात कांगारू संघाने सलग तीन विश्वचषक जिंकला, परंतु वर्ल्ड कप जिंकण्याची हॅटट्रिक केलेल्या ऑस्ट्रेलियाचा विजयी रथ यजमान भारतीय संघाने मोडला. एकदा पुन्हा विजयाचा कारागीर तोच खेळाडू होता ज्याने स्वतःच्या कर्करोग मागे टाकून संपूर्ण स्पर्धा खेळली. या थरारक सामन्यात कर्करोगाने ग्रस्त असलेल्या युवराज सिंह (Yuvraj Singh) ने दोन गडी बाद केले आणि त्यानंतर शानदार अर्धशतकही ठोकले. (On This Day: सौरव गांगुलीने झळकावले ऐतिहासिक शतक, आजाराला मागे टाकत युवराज सिंह ने 2011 मध्ये वर्ल्ड कप केली पहिल्या शतकाची नोंद)

भारत-ऑस्ट्रेलियामधील क्वार्टर-फायनल सामना अहमदाबादच्या मोटेरा स्टेडियममध्ये खेळला गेला. ऑस्ट्रेलियाने सामन्यात पहिले फलंदाजी करत 50 ओव्हरमध्ये 6 विकेट्स गमावून 260 धावा केल्या. याच्या प्रत्युत्तरात सचिन तेंडुलकर आणि गौतम गंभीर यांनी भारताच्या डावाची सुरुवात केली. सचिन 53 आणि गंभीर 50 धावा करून बाद झाले. विराट कोहलीने 24 धावांचा छोटा पण उपयोगी डाव खेळला. भारताने एकावेळी 168 धावांवर तीन गडी गमावले होते. यानंतर 187 धावांपर्यंत दोन महत्वपूर्ण विकेट गमावल्याने भारतावर दबाव आला होता. युवराजचा खेळ पुन्हा दबावाखाली बहरला. त्याला सुरेश रैनाची (34) साथ मिळाली आणि संघाला दोन ओव्हर पहिलेच लक्ष्य गाठून दिले. युवीने टीमसाठी सर्वाधिक 57 धावा केल्या.

हा सामना सचिनसाठीही महत्वपूर्ण ठरला. सचिनने या सामन्यात 18,000 वनडे धावा पूर्ण केल्या. भारतीय डावात ब्रेट लीच्या चेंडूवर 14 व्या ओव्हरमध्ये त्याने 45 वी धाव पूर्ण केल्यावर या कामगिरीची नोंद केली. या सामन्यात 94 वे वनडे अर्धशतक झळकावल्यानंतर सचिन शॉन टेटचे गोलंदाजीवर 53 धावांवर एलबीडब्ल्यू बाद झाला. वनडे क्रिकेटमध्ये धावपटूंच्या यादीत श्रीलंकेचे सनथ जयसूर्या 13,428 धावांसह दुसर्‍या क्रमांकावर आहे.