US Revokes Sheikh Hasina's Visa: बांगलादेशातून हकालपट्टी केल्यानंतर अमेरिकेने रद्द केला शेख हसीना यांचा व्हिसा

US Revokes Sheikh Hasina's Visa: बांगलादेशातील प्रचंड निदर्शने आणि हिंसाचारानंतर शेख हसीना भारतात आल्या होत्या. सोमवारी त्यांनी पंतप्रधानपदाचा राजीनामा दिला. सध्या कडेकोट बंदोबस्तात हसीना भारतात अज्ञात ठिकाणी आहे. या सगळ्यात अमेरिकेने शेख हसीना यांना मोठा धक्का दिला आहे. मिळालेल्या माहितीनुसार, अमेरिकेने शेख हसीना यांचा व्हिसा रद्द केला आहे. म्हणजे हसीना यापुढे आश्रय घेण्यासाठी अमेरिकेत जाऊ शकणार नाहीत. बांगलादेशच्या स्थानिक वृत्तसंस्थेनुसार, ढाका येथील अमेरिकन दूतावासाच्या अधिकाऱ्याने सांगितले की, अमेरिकेच्या कायद्यानुसार व्हिसाचे रेकॉर्ड गोपनीय आहेत. म्हणून आम्ही वैयक्तिक व्हिसा प्रकरणांच्या तपशीलावर चर्चा करत नाही. मात्र शेख हसीना यांच्या पक्षातील अनेक सदस्य आणि अधिकाऱ्यांवर व्हिसा बंदी घालण्यात आली आहे. (वाचा - Bangladesh Violence: शेख हसीना यांच्या पक्षाच्या नेत्याच्या मालकीच्या Zabeer Hotel हिंसक जमावाने पेटवले; 25 जणांचा मृत्यू (Watch Video))