Indian Team Selection: निवडकर्त्यांनी दिले सर्वात मोठे सरप्राईज; Rishabh Pant ला दोन्ही फॉरमॅटमधून वगळले

श्रीलंकेविरुद्धच्या तीन सामन्यांच्या टी-20 आणि एकदिवसीय मालिकेसाठी टीम इंडियाची घोषणा करण्यात आली आहे. निवडकर्त्यांनी टी-20 मालिकेसाठी 'नवीन' टीम इंडियाची घोषणा केली आहे. तीन सामन्यांच्या टी-20 मालिकेसाठी हार्दिक पांड्याकडे कर्णधारपद सोपवण्यात आले आहे. त्याचबरोबर सूर्यकुमार यादव उपकर्णधार असेल. त्याचवेळी नियमित कर्णधार रोहित शर्मा वनडे मालिकेत पुनरागमन करेल. भारत विरुद्ध श्रीलंका मालिकेची सुरुवात T20 सामन्याने होणार आहे. पहिला सामना 3 जानेवारीला मुंबईत होणार आहे. रोहित शर्मा, विराट कोहली आणि केएल राहुल यांचा टी-20 मालिकेसाठी नव्या टीम इंडियामध्ये समावेश करण्यात आलेला नाही. त्याचबरोबर ऋषभ पंतला दोन्ही फॉरमॅटमधून वगळण्यात आले आहे. बांगलादेश दौऱ्यावर एकदिवसीय मालिकेसाठी पंतचा संघात समावेश करण्यात आला होता, मात्र सुरुवात होण्यापूर्वीच त्याला रिलीज करण्यात आले. वृत्तानुसार, पंतला गुडघ्याचा त्रास आहे आणि त्याला बेंगळुरू येथील एनसीएकडे रिपोर्ट करण्यास सांगितले आहे.

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)