Diwali 2021 School Holiday: महाराष्ट्र राज्य शिक्षण मंडळाशी संलग्न शाळांना 28 ऑक्टोबर -10 नोव्हेंबर दिवाळीची सुट्टी
शालेय शिक्षणमंत्री वर्षा गायकवाड यांनी ट्वीट करत दिवाळीच्या सुट्टीत ऑनलाईन शिक्षणही बंद असेल असे सांगितले आहे.
महाराष्ट्र राज्य माध्यमिक आणि उच्च माध्यमिक शिक्षण मंडळाशी संलग्न पूर्व प्राथमिक ते उच्च माध्यमिक अशा सर्व शाळांना 28 ऑक्टोबर ते 10 नोव्हेंबर 2021 दरम्यान केवळ 14 दिवसांची दिवाळीची सुट्टी असणार आहे. कोरोना संकटात बंद असलेल्या शाळा काही दिवसांपूर्वीच राज्यभर सुरू झाल्या आहेत. शालेय शिक्षणमंत्री वर्षा गायकवाड यांनी ट्वीट करत दिवाळीच्या सुट्टीत ऑनलाईन शिक्षणही बंद असेल असे सांगितले आहे.