Thane Metro: ठाणे मेट्रो धावणार! गायमुख ते कॅडबरी जंक्शनपर्यंत चाचणी, वाहतूक कोंडीतून मुक्तीची आशा
या चाचणीला मुख्यमंत्री देवेंद्र फडणवीस आणि उपमुख्यमंत्री एकनाथ शिंदे यांच्या हस्ते हिरवा कंदील दाखवण्यात आला. या ऐतिहासिक क्षणाबद्दल ठाणेकरांमध्येही मोठा उत्साह पाहायला मिळत आहे.
Thane Metro: वाढत्या विस्तारामुळे ठाणे शहर वाहतूक कोंडीच्या विळख्यात सापडले आहे. काही मिनिटांच्या प्रवासासाठी नागरिकांना तासन् तास प्रवास करावा लागत आहे. अखेर, ठाणेकरांना या वाहतूक कोंडीतून दिलासा मिळण्याची आशा निर्माण झाली आहे. आज, सोमवार २२ सप्टेंबर रोजी ठाण्यात मेट्रोची पहिली चाचणी (ट्रायल रन) यशस्वीपणे पार पडणार आहे. आज सकाळी १०.३० वाजता घोडबंदर येथील गायमुख येथून मेट्रो ट्रेनच्या चाचणीला सुरुवात झाली. ही चाचणी गायमुख ते पूर्व द्रुतगती मार्गावरील कॅडबरी जंक्शन या १३ किलोमीटर लांबीच्या मार्गावर झाली. या चाचणीला मुख्यमंत्री देवेंद्र फडणवीस आणि उपमुख्यमंत्री एकनाथ शिंदे यांच्या हस्ते हिरवा कंदील दाखवण्यात आला. या ऐतिहासिक क्षणाबद्दल ठाणेकरांमध्येही मोठा उत्साह पाहायला मिळत आहे.
🚇First Look of Thane Metro..@7_ganesh@Sandip_SKS @ShamsherSLive#thane #maharashtra #mumbai #thanekar #metro #metrotanahabang #trial #run #eknath_shinde_fanclub #eknathshinde #devendrafadanvis #ajitpawar #bjpmaharashtra pic.twitter.com/q9gcLfGnqY
— रिजवान इरफान शेख (@RizwanIrfanSha3) September 22, 2025
वाहतूक कोंडीतून मिळणार दिलासा
सध्या ठाण्यात मेट्रो प्रकल्प ४ (वडाळा-घाटकोपर) आणि ४ - अ (कासारवडवली ते गायमुख) ची कामे वेगाने सुरू आहेत. आज होणाऱ्या यशस्वी चाचणीमुळे ठाणेकरांची वाहतूक कोंडीतून लवकरच सुटका होईल, अशी आशा निर्माण झाली आहे. शहरातील वाहतुकीचे जाळे सुधारण्यासाठी आणि प्रवासाचा वेळ वाचवण्यासाठी ही मेट्रो सेवा अत्यंत महत्त्वाची ठरणार आहे.
(The above story first appeared on LatestLY on Sep 22, 2025 11:33 AM IST. For more news and updates on politics, world, sports, entertainment and lifestyle, log on to our website latestly.com).
