Diwali 2020: वास्तुशास्त्र संदर्भातील 'या' टिप्स करा फॉलो; देवी लक्ष्मीची राहिल सदैव कृपा

Diwali 2020: कार्तिक महिन्याच्या आगमनासह दीपोत्सवी महापर्वाची तयारी सुरू झाली आहे. देवी लक्ष्मीच्या स्वागतासाठी घरोघरी साफसफाई आणि रंगरंगोटीची कामे चालू आहेत. या सर्वांमागे दीपावलीच्या रात्री देवी लक्ष्मीचे विशेष आशीर्वाद मिळावेत, हा सर्वांचा प्रयत्न आहे. हिंदू धर्मग्रंथांमध्ये दीपावलीचा हा सण आनंद, समृद्धी आणि समृद्धीचे प्रतीक मानला जातो. आज आम्ही तुम्हाला या लेखातून लक्ष्मीला प्रसन्न करण्यासाठी वास्तुशास्त्राशी संबंधित काही टिप्स देणार आहोत. त्यामुळे तुमच्यावर माता लक्ष्मीचे विशेष आशीर्वाद कायम राहतील.

उंबरठा सजवा -

आजकाल घरांना उंबरठा बांधला जात नाहीत. मात्र, वास्तुशास्त्रात उंबरठ्याला मोठे महत्त्व आहे. घराला उंबरठा असणं खूपचं शुभ मानलं जातं. वास्तुशास्त्रानुसार घरात प्रवेश करण्यासाठी उंबरठ्यावर प्रवेश करणे खूपचं लाभदायी आहे.

सैंधव मीठ टाकून फरशी पूसून घ्या -

पाण्यात सैंधव मीठ आणि चिमूटभर हळद टाकून या पाण्याने फरशी पूसून घ्या. यानंतर घरात चंदनाचा वापर करून सुंगधी वातावरण बनवा. यामुळे घरातील नकारात्मक ऊर्जा बाहेर जाते. (हेही वाचा - Diwali Padwa 2020: दिवाळी पाडवा म्हणजेच बलिप्रतिपदा यंदा कधी? जाणून घ्या दीपोत्सवातील या दिवसाचं महत्त्व)

मुख्य दाराला तोरण लावा -

दिवाळी निमित्त बाजारात अनेक रेडीमेड तोरण विकली जातात. परंतु, तुम्ही दिवाळी च्या दिवळी झेंडूची फुले, आंब्याची पाने किंवा अशोकाच्या झाडाच्या पानांपासून बनविलेले तोरण दाराला बांधा. हे अत्यंत शुभ मानलं जातं. आपल्या शास्त्रात आंबा आणि अशोकाचे वर्णन देव-वृक्ष असे करण्यात आले आहे. म्हणून, झेंडूची फुले व आंबा किंवा अशोकाच्या पानांपासून बनविलेले तोरण, घराच्या मुख्य दारावर लावल्यास घरात सकारात्मक उर्जा टिकते.

मुख्य दरवाजावर अडथळा ठेवू नका

घराच्या मुख्य गेटसमोर अडथळा आणू नये. कारण, याचा थेट परिणाम तुमच्या संपत्ती आणि भरभराटीवर होतो. जर घरासमोर कचरा किंवा घाण जमा झाली असेल तर दिवाळीपूर्वी ते काढा. हा परिसर स्वच्छ करा. कारण वास्तुशास्त्रानुसार घराच्या मुख्य गेटवरील अडथळा किंवा घाण तुमच्या विकासाचा मार्ग अडवू शकते. माता लक्ष्मीच्या स्वागतासाठी हे सर्व अडथळे दूर करणे आवश्यक आहे.

सकारात्मक उर्जेसाठी हा उपाय करा-

सकारात्मक ऊर्जा हा आपल्या सर्वांसाठी जीवनाचा एक आवश्यक भाग आहे. यामुळे आपले जीवन निरोगी, आनंदी राहते. सकारात्मक ऊर्जा शांत आणि समृद्ध जीवनासाठी खूप आवश्यक आहे. यासाठी आपल्याला घराच्या मुख्य प्रवेशद्वारावर गंगाचे पाणी, हळद, कापूराचे पाणी शिंपडावे. यामुळे सकारात्मक उर्जा तयार होते, जी आपल्या घरी माता लक्ष्मीचा मार्ग मोकळा करते.

दारासमोर स्वस्तिक किंवा लक्ष्मीचे पाऊले काढा -

हिंदु धर्मात कोणत्याही प्रकारच्या कार्यात स्वास्तिक आणि लक्ष्मीच्या पाऊलांना अतिशय महत्त्व आहे. दिवाळीच्या दिवशी लक्ष्मीच्या स्वागतासाठी मंदिरातील भिंतींवर सिंदूर लावून स्वस्तिक चिन्हे काढले जाते. यामुळे घरात सकारात्मक उर्जा येते. स्वस्तिक लक्ष्मी मातेला आकर्षित करते आणि घरात आनंद आणि समृद्धी वाढते.

लक्ष्मी आणि कुबेरची मूर्ती या दिशेने ठेवा-

धनत्रयोदशीच्या दिवशी लोक लक्ष्मी आणि कुबेराची मूर्ती आपल्या घरात स्थापित करतात. मूर्ती स्थापित करताना, दिशेंच आणि वेळेचं अत्यंत महत्त्व आहे. आपण पूजेसाठी बसताना आपली मुद्रा उत्तर दिशेने ठेवावी. तसेच लक्ष्मी माता आणि कुबेराचे तोंड दक्षिणेकडे करा.

(The above story first appeared on LatestLY on Nov 09, 2020 06:20 PM IST. For more news and updates on politics, world, sports, entertainment and lifestyle, log on to our website latestly.com).