Youths Die of Poisonous Gas in Well: मध्य प्रदेशात मोठी दुर्घटना! विहिरीत पडलेल्या गायीला वाचवण्यासाठी गेलेल्या 5 तरुणांचा विषारी वायूमुळे मृत्यू

Youths Die of Poisonous Gas in Well: मध्य प्रदेशातील (Madhya Pradesh) गुना (Guna) येथे एक मोठी दुर्घटना घडली आहे. येथे गायीच्या वासराला वाचवण्यासाठी विहिरीत उतरलेल्या 5 तरुणांचा वेदनादायक मृत्यू झाला. घटनास्थळी मदत आणि बचाव कार्य सुरू आहे. विहिरीत विषारी वायू (Poisonous Gas) गळतीमुळे हा अपघात झाल्याचे सांगण्यात येत आहे. हे संपूर्ण प्रकरण गुना जिल्ह्यातील धरनावाडा पोलीस स्टेशन परिसरातील एका गावाचे आहे.

प्राप्त माहितीनुसार, एक तरुण विहिरीत पडलेल्या गायीच्या वासराला वाचवण्यासाठी प्रथम विहिरीत उतरला, परंतु तो खाली पडताच त्याला श्वास घेण्यास त्रास होऊ लागला. त्यामुळे तो बेशुद्ध पडला. त्याला वाचवण्यासाठी एकामागून एक सहा जण विहिरीत उतरले. विषारी वायू गळतीमुळे 5 जण विहिरीत अडकले. त्यामुळे त्यांचा जागीच मृत्यू झाला. (हेही वाचा -Telangana Boy Throat Case: खेळताना गिळलेला प्लास्टिकचा कण अखेर बाहेर काढला; खम्मममधील 6 वर्षीय मुलाच्या त्रासाला अखेर विराम)

घटनेची माहिती मिळताच पोलिस प्रशासनाचे पथक मदतीसाठी घटनास्थळी पोहोचले. वृत्त लिहिण्यापर्यंत दोन मृतदेह बाहेर काढण्यात आले आहेत. उर्वरित मृतदेह बाहेर काढण्याचे प्रयत्न सुरू आहेत. त्याच वेळी, एका व्यक्तीची प्रकृती गंभीर असल्याचे सांगितले जात आहे. ज्याला उपचारासाठी रुग्णालयात पाठवण्यात आले आहे. सुरुवातीच्या तपासात असा अंदाज वर्तवला जात आहे की विहिरीत विषारी वायू गळती झाली होती, ज्यामुळे गुदमरल्यामुळे 5 जणांचा जागीच मृत्यू झाला. (हेही वाचा -Hoax Bomb Threats: चेन्नईतील महिलेने माजी सहकाऱ्याला अडकवण्यासाठी 12 राज्यांमध्ये पाठवल्या खोट्या बॉम्ब धमक्या; एअर इंडिया विमान अपघाताची जबाबदारी घेतल्याचा दावा, पोलिसांकडून अटक)

विषारी वायूमुळे 5 तरुणांचा मृत्यू -

Guna, Madhya Pradesh: Five youths died from poisonous gas inhalation while rescuing a calf trapped in a well in Dharnawada village. One youth escaped safely. Authorities, led by Collector Kishore Kumar Kanyal, are overseeing rescue and investigation efforts pic.twitter.com/8pitR6eqiO

— IANS (@ians_india) June 24, 2025

दरम्यान, माजी मुख्यमंत्री दिग्विजय सिंह यांनी गुणा जिल्ह्यातील धरनवाडा येथील या हृदयद्रावक घटनेबद्दल शोक व्यक्त केला. दिग्विजय सिंह म्हणाले की, 'ही घटना अत्यंत दुःखद आहे. गायीला वाचवण्यासाठी पाच जणांनी आपले प्राण दिले. मृतांच्या कुटुंबियांना योग्य नुकसानभरपाई द्यावी, अशी आमची प्रशासनाकडे मागणी आहे. '

(The above story first appeared on LatestLY on Jun 24, 2025 07:45 PM IST. For more news and updates on politics, world, sports, entertainment and lifestyle, log on to our website latestly.com).