IRCTC's Swarail App: भारतीय रेल्वेने लाँच केले नवे ‘स्वरेल’ ॲप; तिकीट बुकिंगपासून ट्रेनमध्ये जेवण ऑर्डर करण्यापर्यंत सर्व सेवा एकाच ठिकाणी उपलब्ध, जाणून घ्या सविस्तर
आयआरसीटीसीने स्वरेल ॲपच्या माध्यमातून रेल्वे प्रवाशांना एकाच ठिकाणी सर्व सेवा देण्याचा प्रयत्न केला आहे. यापूर्वी प्रवाशांना तिकीट बुकिंगसाठी आयआरसीटीसीची वेबसाइट किंवा ॲप, पीएनआर तपासणीसाठी वेगळे ॲप आणि जेवण ऑर्डरसाठी अन्य व्यासपीठ वापरावे लागत होते. आता या सर्व सुविधा स्वरेल ॲपवर एकाचा ठिकाणी उपलब्ध आहेत.
भारतीय रेल्वेच्या (Indian Railway) प्रवाशांसाठी एक आनंदाची बातमी आहे. इंडियन रेल्वे कॅटरिंग अँड टुरिझम कॉर्पोरेशनने (IRCTC) आपले नवे ‘स्वरेल’ ॲप (Swarail App) लाँच केले आहे, जे रेल्वे सेवांचा एक संपूर्ण आणि वापरकर्त्यासाठी सोपा अनुभव प्रदान करते. 31 जानेवारी 2025 रोजी बीटा टेस्टिंगसाठी लाँच झालेले हे ॲप आता अँड्रॉइड आणि आयओएस वापरकर्त्यांसाठी उपलब्ध आहे. तिकीट बुकिंग, पीएनआर तपासणी, ट्रेनचा थेट मागोवा, जेवण ऑर्डर करणे आणि रेल्वे तक्रारी नोंदवणे यासारख्या सर्व सुविधा एकाच व्यासपीठावर उपलब्ध करून देणारे हे ‘सुपर ॲप’ प्रवाशांचे आयुष्य सुलभ करणार आहे.
आयआरसीटीसीने स्वरेल ॲपच्या माध्यमातून रेल्वे प्रवाशांना एकाच ठिकाणी सर्व सेवा देण्याचा प्रयत्न केला आहे. यापूर्वी प्रवाशांना तिकीट बुकिंगसाठी आयआरसीटीसीची वेबसाइट किंवा ॲप, पीएनआर तपासणीसाठी वेगळे ॲप आणि जेवण ऑर्डरसाठी अन्य व्यासपीठ वापरावे लागत होते. आता या सर्व सुविधा स्वरेल ॲपवर एकाचा ठिकाणी उपलब्ध आहेत. या ठिकाणी प्रवासी राखीव आणि अनारक्षित तिकिटे, तसेच प्लॅटफॉर्म तिकिटे बुक करू शकतात. याशिवाय, ट्रेनच्या उपलब्धतेची माहिती आणि मार्ग तपासता येतात. प्रवासी त्यांच्या तिकिटाच्या पीएनआर स्थितीचे रिअल-टाइम अपडेट्स मिळवू शकतात, ज्यात कन्फर्मेशन स्टेटस आणि कोचची माहिती समाविष्ट आहे.
ॲप ट्रेनच्या वेळापत्रकात बदल, उशीर आणि प्लॅटफॉर्म क्रमांकाची थेट माहिती देते. प्रवासी प्रवासादरम्यान ट्रेनमध्ये जेवण ऑर्डर करू शकतात, ज्यामुळे त्यांना दर्जेदार अन्न मिळते. तक्रारी किंवा समस्यांसाठी रेल मदद सुविधेद्वारे तातडीने मदत मिळते. व्यावसायिक वापरकर्ते मालवाहतुकीशी संबंधित सेवाही व्यवस्थापित करू शकतात. वापरकर्ते त्यांच्या बुक केलेल्या आणि रद्द केलेल्या तिकिटांचा तपशील आणि इतिहास तपासू शकतात. या ठिकाणी रेल्वे स्टेशनवरील सुविधा, जसे की वेटिंग रूम, क्लोकरूम आणि पार्किंग, याची माहिती उपलब्ध आहे. (हेही वाचा: AGR Dues Case: व्होडाफोन, एअरटेल, टाटा टेलिसर्व्हिसेसला सर्वोच्च न्यायालयाचा दणका; एजीआर थकबाकी माफीची याचिका फेटाळली)
हे ॲप Google Play Store (अँड्रॉइड) किंवा Apple App Store (iOS) वरून डाउनलोड करता येते. आयआरसीटीसी खाते असलेले वापरकर्ते त्यांच्या क्रेडेंशियल्सने लॉगिन करू शकतात, तर नवीन वापरकर्ते नोंदणी करू शकतात. त्यानंतर होम स्क्रीनवरून हव्या त्या सेवा निवडता येतील. दरम्यान, भारतीय रेल्वे ही देशातील प्रवासाची जीवनरेखा आहे, आणि दररोज लाखो प्रवासी त्यावर अवलंबून असतात. स्वरेल ॲपच्या लाँचमुळे आयआरसीटीसीने डिजिटलायझेशन आणि प्रवासी सुविधांच्या दिशेने मोठे पाऊल उचलले आहे.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)