FD Rate Hike: या बँकेने वाढवले FD वर व्याजदर; गुंतवणूकदार होणार मालामाल; जाणून घ्या किती होणार फायदा
ICICI बँक ज्येष्ठ नागरिकांना FD वर 7.30 टक्के व्याज देत आहे. ज्येष्ठ नागरिकांना दिले जाणारे व्याज हे सर्वसामान्यांना दिल्या जाणाऱ्या व्याजापेक्षा जास्त आहे.
FD Rate Hike: खासगी क्षेत्रातील बँक ICICI ने आपल्या ग्राहकांना नवीन वर्षात भेटवस्तू देत मुदत ठेवींवरील व्याजदरात वाढ करण्याची घोषणा केली आहे. आता फिक्स डिपॉझिट करून ग्राहकांना पूर्वीपेक्षा जास्त नफा मिळणार आहे. बँकेने बल्क एफडीवरील व्याजदरात वाढ केली आहे. आता 2 कोटी ते 5 कोटी रुपयांच्या मुदत ठेवींवर पूर्वीपेक्षा जास्त व्याज मिळणार आहे.
नवीन दर ICICI बँकेच्या अधिकृत वेबसाइटवर अपलोड करण्यात आले आहेत. 2 जानेवारी 2023 पासून लागू होणार असल्याचे अधिसूचनेत नमूद करण्यात आले आहे. व्याजदरात बदल झाल्यानंतर 7 दिवस ते 10 वर्षांच्या मुदत ठेवींवर 4.5 टक्के ते 6.75 टक्के व्याज मिळेल. (हेही वाचा - Bank Locker New Rule: नवीन वर्षात बदलले बँक लॉकरचे नियम; जाणून घ्या ग्राहकांना काय करावे लागेल)
काय आहेत नवीन व्याजदर?
ICICI बँक 15 महिने ते 2 वर्षांच्या कालावधीसाठी मुदत ठेवींवर 7.5 टक्के व्याज देईल. याशिवाय, 7 दिवस ते 29 दिवसांत परिपक्व होणाऱ्या घाऊक एफडीवर 4.5 टक्के आणि 30 दिवस ते 45 दिवसांत परिपक्व होणाऱ्या एफडीवर 5.25 टक्के दराने व्याज दिले जाईल. बँक 46 ते 60 दिवसांच्या एफडीसाठी 5.5 टक्के व्याज देत आहे, तर 61 दिवस ते 90 दिवसांच्या कालावधीच्या एफडीसाठी 5.75% दराने व्याज दिले जाईल.
91 ते 184 दिवसात मॅच्युअर होणाऱ्या FD वर 6.25% व्याज मिळेल, तर 185 ते 270 दिवसात मॅच्युअर होणाऱ्या FD वर 6.30% व्याज मिळेल.
या योजनांवर सर्वाधिक व्याज -
ICICI बँकेच्या वतीने सांगण्यात आले आहे की, 271 दिवस ते 1 वर्षापेक्षा कमी कालावधीच्या मुदत ठेवींवर 6.65 टक्के दराने व्याज दिले जाईल, तर 1 वर्ष ते 1 वर्ष आणि 3 महिन्यांच्या ठेवींवर 7.10 टक्के दराने व्याज दिले जाईल. याशिवाय, ICICI बँक 15 महिने ते 24 महिन्यांच्या FD वर 7.15 टक्के दराने व्याज देईल. 2 वर्षे 1 दिवस ते 3 वर्षांपर्यंतच्या ठेवींवर 7 टक्के आणि 3 वर्षे ते 10 वर्षे मुदतीच्या FD वर 6.5 टक्के दराने व्याज दिले जाईल.
ICICI बँक ज्येष्ठ नागरिकांना FD वर 7.30 टक्के व्याज देत आहे. ज्येष्ठ नागरिकांना दिले जाणारे व्याज हे सर्वसामान्यांना दिल्या जाणाऱ्या व्याजापेक्षा जास्त आहे. कारण बँका आणि सरकार ज्येष्ठ नागरिकांच्या योगदानाला प्रोत्साहन देण्यासाठी व्याजदर उच्च ठेवतात.
(The above story first appeared on LatestLY on Jan 04, 2023 01:02 PM IST. For more news and updates on politics, world, sports, entertainment and lifestyle, log on to our website latestly.com).
